As perlas negras da señora Shepard
Ingrid Shepard, unha dama acomodada, vive nun apartamento no terceiro piso dun elegante edificio no centro da cidade. Denuncia que, ao regresar dunha cea con amigas, atopou a súa casa completamente desordenada: caixóns revoltos, unha fiestra rota e, o máis alarmante, a desaparición do seu colar de perlas negras. Este colar, herdado da súa nai, está taxado en 25.000 libras esterlinas e ten un inmenso valor sentimental.
Segundo Ingrid, as únicas persoas con acceso á súa casa son a súa filla, Jessica Shepard, e o seu leal mordomo, Arthur Hoggins. Ademáis, tamén di ser a única coñecedora do código da caixa forte onde gardaba o colar. Non obstante, os acontecementos da noite plantexan máis preguntas que respostas.
A fiabilidade dos testemuños evalúase de 1 estrela (★☆☆☆☆) a 5 estrelas (★★★★★). Isto non ten que ver co nivel de sospeita ou credibilidade das testemuñas senón coa coherencia do testemuño e o seu nivel de concordancia coas probas ou feitos.
Testemuños
Dª. Ingrid Shepard ★★★★★
"Volvín á casa algo despois das once da noite. Nada máis abrir a porta, atopeime cunha escena aterradora: caixóns abertos, a miña roupa interior tirada polo chan, a fiestra do salón rota... era un caos absoluto! Chamei a Arthur para que me explicara que facía aínda alí. Di que escoitou ruidos e decidiu quedar, pero algo non me cadraba. Estaba conmocionada. Debería telo denunciado, pero no seu lugar despedinno de inmediato. O colar da miña nai... Ai, se ela erguese a cabeza!"
- Observación: Ingrid parece realmente afectada pola perda dunha reliquia familiar e busca xustiza, aínda que o seu xuízo pode estar nubrado pola angustia emocional.
Dª. Abbigail Woods ★★★★★
“A miña irmá e máis eu quedamos desfrutando da sobremesa cuns encantadores cabaleiros ata que pecharon o local. Iso foi tarde, aproximadamente sobre a unha da madrugada. Ingrid, en cambio, marchou bastante cedo. Algo antes das 23h xa se fora.”
- Observación: Abbigail parece ser unha testemuña neutral sen intereses persoais no caso. A súa descrición apunta á normalidade de Ingrid antes do incidente.
Don Arthur Hoggins ★★★☆☆
"Terminei de limpar as figuriñas de Swarovski da señora sobre as dez e media. Estaba a prepararme para marchar cando escoitei ruídos procedentes da rúa, coma se alguén intentase forzar algo. Volvín ao apartamento por precaución e non vin nada raro dentro. A señora Ingrid chegou pouco despois e, ao verme, asumiu que estaba involucrado. Non entendeu que só quería protexer as súas pertenzas."
- Observación: Arthur parece ser un empregado fiel que, a pesar das súas boas intencións, oculta un posible interese persoal ou resentimento cara a familia
Dª. Jessica Shepard ★★★★☆
"A miña nai e máis eu non temos a mellor relación. Ela sabe o moito que me gustaría quedar co colar, pero sempre o usaba para molestarme. Vai dous días, durante unha visita, sacouno para presumir diante de min. Non entendo como alguén puido entrar a roubalo... Arthur traballou para a miña nai durante anos, pero sempre pensei que non é tan intachable como parecía."
- Observación: Jessica ten un motivo claro relacionado co resentimento e o desexo polo colar. O seu testemuño reflicte celos reprimidos e posibles intencións ocultas.
Don Frederick Stealth ★★★★☆
"Nesa noite discutín coa miña muller e saín a fumar ao corredor. Camiñei un rato para tranquilizarme e observei ao mordomo regresar ao apartamento cunha actitude nerviosa. Pouco despois, cruceime con Ingrid, que parecía molesta. Estiven dando voltas polo corredor ata a medianoite porque necesitaba despexarme. Ao final, voltei a casa."
- Observación: Frederick é un testemuño incidental. O seu relato suxire que podería haber información clave sobre o comportamento sospeitoso do mordomo.
Cronoloxía coñecida
- Fai unha semana: Jessica Shepard visita á súa nai.
- A noite do roubo:
- 21h00: Dª. Ingrid e as irmás Woods cean no Le Blé Doré.
- 22h30: Arthur Hoggins remata o seu traballo.
- 22h50: Dª. Ingrid abandona o restaurante e regresa á súa casa.
- 23h00: Don Frederick Stealth, tras unha discusión coa súa muller, observa ao mordomo entrando de novo no apartamento cunha actitude nerviosa.
- 23h15: Dª. Ingrid chega ao seu apartamento e atopa a Arthur, sospeitando das súas intencións.
- 23h55: Arthur abandona o edificio tras ser despedido.
- Medianoite: Dª. Ingrid chama á policía para denunciar o roubo.
- 01h00: As irmás Woods abandonan Le Blé Doré xunto a dous cabaleiros.
Julien Courcier Cortegoso
©Dereitos de autor. Todos os dereitos reservados.
Necesitamos su consentimiento para cargar las traducciones
Utilizamos un servicio de terceros para traducir el contenido del sitio web que puede recopilar datos sobre su actividad. Por favor revise los detalles en la política de privacidad y acepte el servicio para ver las traducciones.