Nada en Kentucky (Estados Unidos), bell hooks responde ao reivindicativo pseudónimo dunha muller afroamericana que por cuestionar cuestionou ata a gramática hexemónica escribindo o seu propio nome en minúsculas.

Escritora e activista, o seu discurso parte do feminismo interseccional que cuestiona o xénero de forma indisociable ao racismo e á clase. Dende a didáctica dos seus ensaios, reflexiona sobre a importancia de analizar e transformar a cultura patriarcal dominante que establece estructuras transversais opresoras e impide a implantación dunha xustiza social.

Baixo esta perspectiva, cuestiona conceptos tan arraigados como o amor, cuxa práctica concibe como un acto político liberador que debe romper co esquema patriarcal. A educación é tamén un dos piares base do seu discurso e ao longo da súa vida adicouse a realizar charlas e simposios que fomentaban a crítica social.

Algúns dos seus títulos máis destacados son “Todo sobre o amor”, “A clase importa”, “Ensinar a transgredir” ou “A vontade de cambiar”, nos que trata todas estas cuestións e profundiza sobre a realidade do feminismo como muller negra.

En 2021 fomos coñecedoras do seu pasamento, mais o seu legado segue vivo en todas nós, marcando as súas transgresoras ideas a liña a seguir nos estudos de xénero contemporáneos.