Julien Courcier Cortegoso

O caso das Vidas Cruzadas

Hospital psiquiátrico semi-privado preto de Lugo, especializado en trastornos de identidade e memoria. Famoso por traballar con tecnoloxía experimental (neuroestimulación, terapia virtual). Un equipo internacional colaborou con eles hai uns anos nun programa sobre “transferencia de memoria emocional” como terapia para traumas profundos.

A fiabilidade dos testemuños evalúase de 1 estrela (★☆☆☆☆) a 5 estrelas (★★★★★). Isto non ten que ver co nivel de sospeita ou credibilidade das testemuñas senón coa coherencia do testemuño e o seu nivel de concordancia coas probas ou feitos.

Testemuños

Dra. Noa Ares (Neuróloga ★★★★★)
"Non estamos ante unha alucinación común. Os patróns de linguaxe, os trazos manuais e mesmo certos gustos están sincronizados. Non o entendo. Nin a súa actividade cerebral coincide coa súa documentación persoal."

Observación: Especialista seria e precisa. A súa análise científica pon en dúbida a narrativa oficial e reforza a natureza anómala do caso.

Xacobe Monteagudo (Paciente 1, ★★★☆☆)
"Eu recordo ser Marcos. A miña casa, a miña gata, os meus libros. André está confundido. O estraño é que tamén recordo cousas súas. Coma se estivesen mesturadas."

Observación: Confuso pero emocionalmente convencido. As súas lembranzas coinciden en exceso coas de André, o que fai sospeitar dunha orixe compartida. A súa identidade emocional parece sólida, pero incompleta.

André Varela (Paciente 2, ★★★★☆)
"Eu tamén lembro cousas que el conta. Mesmo soños. Pero eu teño as cicatrices e un sinal na man. El, non. Eu son Marcos. Xacobe un impostor."

Observación: Máis firme na defensa da súa identidade e con proba física (sinal na man). A súa lembranza é máis racional, pero tamén mostra signos de memoria implantada.

Uxía Andrade (irmá de Marcos, ★★★★★)

"Marcos desapareceu sen deixar rastro. Un día marchou da universidade e xa non volveu. Ambos homes teñen cousas del. Iso podo velo. A súa voz, certos xestos… pero ningún é Marcos. Ou polo menos non por completo."

Observación: Persoa achegada emocionalmente ao desaparecido, pero con visión lúcida. Detecta trazos auténticos nos dous homes, pero recoñece que algo fundamental falta en ambos.

Antón Cao (Psicólogo retirado, traballou no hospital ★★★★☆)

"Na miña etapa probaron métodos de recreación da memoria a través de simulacións. A idea era que o paciente revivise momentos alleos para superar traumas... pero algo se nos foi das mans."

Observación: Confesión críptica e reveladora. Amosa coñecemento directo dun proxecto oculto e recoñece posibles consecuencias nefastas, malia non detallalas de todo.

Dr. Guillerme Xunqueira (director do centro ★★☆☆☆)

"É un caso fascinante, dende logo. Pero de seguro que se trata dalgún trastorno xa coñecido. Se non coñecían a Marcos persoalmente deberon de verse afectados polo que puidesen ver nas redes sociais del. Na miña opinión todo encaixará moi rápido.”

Cronoloxía coñecida

Observación: Intenta minimizar a gravidade do caso. A súa actitude defensiva e racionalizadora suxire unha intención de ocultar prácticas irregulares.

Fai 3 anos: Iníciase un programa experimental de "Reconsolidación de memoria emocional".
Fai 2 anos: Marcos Andrade desaparece sen deixar rastro..
Fai 1 mes: André e Xacobe ingresan por separado con síntomas idénticos.
Fai unha semana: Chegan Clara e Martín para colaborar.
Actualidade: Os médicos detectan coincidencias neuropsicolóxicas imposibles entre eles.